Den Tubak ass d'Matière première, där mir eis
verschriwwen hunn. Mir kréien den Tubak vun de
beschte Plantagen an Nordamerika, Simbabwe an Europa. Bei der Auswiel an dem Kaf vum Tubak begleeden eis eis eegen Tubaksexperten op d'Plaz. Si kontrolléieren
d'Wuer, maache Stéchprouwen an akzeptéieren
nëmmen 1-a-Qualitéit.
1
Déi gedréchent a fermentéiert Tubaksblieder komme gutt geschützt a verpaakt an eisem Lager un, prett, fir mat der gréisster Virsiicht weiderverschafft ze ginn.
2
Tubak ass en Naturprodukt, mat deenen ënnerschiddlechsten Aromaen, déi vu Rekolt zu Rekolt kënne variéieren. Fir den typesche Goût vun enger Landewyck-Mark ze kréien, gi verschidden Tubakszorten zu engem "Blend" gemëscht. Esou bleift de Goût vun enger Mark iwwer Joren d'nämmlecht.
3
Den Tubak gëtt duerch Waasserdamp op optimal 21% Fiichtegkeet bruecht an an der Casingtrommel mat natierlechen Aromae versat.
4
Den Tubak gëtt an horizontale Schichten an d'Mëschboxe gefëllt an no e puer Stonne a vertikale Sträifen erausgeholl. Dëst garantéiert eng optimal Mëschung vun de verschiddenen Tubaken.
5
Fir Zigarette gëtt d'Tubaksmëschung 0,8-1 mm breet geschnidden. An der Dréchentrommel gëtt d'Fiichtegkeet vum Tubak op ca. 12-13% reduzéiert. Den Tubak kann elo weiderverschafft ginn.
6
Aus dem Container, wou den Tubak zwëschegelagert ass, gëtt den Tubak ugesaugt, d'Fasere ginn zu engem gläichméissege Strang geformt an op Pabeiersträife mat Filterstécker geluecht. Doduerch entsteet eng Zort "Endlos-Zigarett", déi duerno dann an eenzel Zigarette geschnidde gëtt.
D'Burley-Tubaksplanz ka bis zu 1,5 m héich ginn. Seng gréng Faarf ass e bësse méi hell wéi déi vum Virginia-Tubak. Burley-Tubak wiisst op méi schwéiere Biedem a brauch méi Dünger wéi Virginia-Tubak. Dee beschte Burley wiisst an den USA, Mëttelamerika, Malawi, Uganda an Indonesien.
No der Rekolt verléiert de Burley-Tubak duerch d'Dréchnen an der Loft de Gros vu sengem Zocker. Doduerch kritt e seng charakteristesch brong Faarf an en zigarenähnleche Goût. D'Zigaretten, an deene Burley-Tubak mat dran ass, produzéieren en däischteren an intensiven Damp.
Burley-Tubak schmaacht dréchen an aromatesch, ähnlech wéi Schockela.
Meeschtens kënnt bei de Burley-Tubak nach Zocker wéi Melass oder Mokuch, fir den natierlechen Zocker ze ersetzen. E gëtt fir American-Blend-Zigarette mat aneren Tubakszorte wéi Virginia an Orient kombinéiert. Et kënnen och nach aner Aromaen dobäikommen.